LINGKUNGAN CADANG
Assalamu alaikum warohmatullohi wabarokatuh.
Sai terhormat ibu gukhu, seghta ghek-ghek sai ku bangga ko.
Peghtama – tama payu lah gham manjatko puji seghta syukur kehadirat Alloh SWT, uleh berkat rahmat-Ni gham dapok kuppul di ruangan hinji delom keadaan sehat. Sholawat seghta salam kekalau selalu telippah cughah jama junjungan gham nabi Muhammad saw, uleh usaha ni ngajagh ghek nyebarko agama islam gham dapok pandai hepa jalan sai benogh ghek hepa jalan sai salah.
Manusia sebagai penguasa lingkungan ngedok peranan sai balak delom kelestarianni. Alloh nyipta ko manusia delom bentuk sai paling buyun. Kidang cuba gham pikighko, manusia sai di cipta ko ngedok akal mengapi lamon sai mak haga mikigh ngejaga ghek ngerawat lingkunganni. Padahal seno keuntungan bagini, misalni ya dapok sehat, makmur, bahagia jama keluaghga. Malah sebalik ni, semisal lingkungan ni kumuh, jelas gaoh lamon penyakit sai di timbulko. Mangkung muneh bencana – bencana sai bagheh, tanno tiliak gham banjir dipa – ipa. Mak dapok ti buhungi melamon ulah manusia, gham ngakuk contohni yakdo ngetokko sampah sembarangan. Akibatni fatal, halian tesumbat, alighan wai mak lancar akhirni tegenang wai dipa ipa alias mak jaoh jak banjir. Betul api mawek?
Puaghi – puaghi sunyinni.
Banjir lain mak dapok dicegah, tattu dapok ki gham sebagai warga masyarakat teghok beupaya nyegahni. Contohni ngelalui program-program pemeghintah injuk lomba kebeghassihan pekon, gotong royong pembeghassihan alighan halian ghek lamon sai baghehni. Kidang asing helau ni program pemeghintah semisal mak ngedok kesadaran anjak diri gham masing-masing seno gegoh percuma. Uleh seno, payu lah gham jejama ngerawat lingkungan gham. Untung ya untung bagi gham tenggalan.
Sampai dija lah pidato singkat sai dapok ku sappaiko, kantu wat tutur kata sai kughang berkenan ekam ngilu mahaf seghelom hati. Teghima kasih munih peghhatian ghek waktu sai dikeniko jama ekam.
Akhir kata, Wassalamu alaikum waromatullohi wabarokatuh.
By : Agus Riyanto
